သိသင့်တဲ့အင်တာနက်ပေါ်ပေါက်လာပုံသမိုင်းကြောင်းလေး
1957 ခုနှစ် အောက်တိုဘာလ ၄ ရက်နေ့မှာ ကနေ့ခေတ် နည်းပညာ ကမ္ဘာကြီးကို ဖြစ်ပေါ် လာစေမယ့် အဖြစ်အပျက် တစ်ခု ဖြစ်ပွားခဲ့ပါတယ်။ ဆိုဗီယက် ယူနီယံက ကမ္ဘာ့ပထမဦး ဆုံးဂြိုဟ်တုဖြစ်တဲ့ စပွတ်နစ် (၁) ကို လွှတ်တင်နိုင်ခဲ့ပါတယ်။ ဒီအဖြစ်အပျက်ဟာ ကမ္ဘာကြီးကို တုန်လှုပ် သွားစေပါတယ်။ အထူးသဖြင့် အမေရိကန် ပြည်ထောင်စုကိုပါ။ အမေရိကန် ပြည်ထောင်စု အနေနဲ့ ကမ္ဘာပတ် လမ်းကြောင်း ပေါ်ကို ဂြိုဟ်တု လွှတ်တင်နိုင်ဖို့ ပြင်ဆင်နေဆဲ အချိန်မှာပဲ သူတို့ရဲ့ အဓိကပြိုင်ဘက်က အရင် လွှတ်တင်နိုင်ခဲ့တဲ့ အတွက် အကြီးအကျယ် တုန်လှုပ် သွားခဲ့တာပဲ ဖြစ်ပါတယ်။
ဒီ အဖြစ်အပျက်ကြောင့် ARPA (the Advanced Research Project Agency) ဆိုတဲ့ အဖွဲ့အစည်းတစ်ခုကို နည်းပညာသစ်၊ စိတ်ကူး သစ်တွေကို သုတေသနလုပ်နိုင်ရန် ရည်ရွယ်ပြီး အမေရိကန်ပြည်ထောင်စု ကာကွယ်ရေးဌာနက စတင် ဖွဲ့စည်း ခဲ့ပါတော့တယ်။ အဲ့ဒီအဖွဲ့ရဲ့အကျော်ကြားဆုံး ဖန်းတီးမှုကတော့ ကနေ့ နည်းပညာ ကမ္ဘာကြီးကို ဖြစ်ပေါ်လာစေတဲ့ အင်တာနက်ပဲ ဖြစ်ပါတယ်။
၁၉၆၀ ပြည့်နှစ်မှာတော့ Joseph Licklider လို့ခေါ်တဲ့ ကွန်ပျူတာသိပ္ပံ ပညာရှင်က Man-Computer Symbiosis လို့အမည်ပေး ထားတဲ့ စာတမ်း တစ်စောင်ကို တင်ပြလာပါတယ်။ အဲ့ဒီစာတမ်းဟာ နက်ဝပ်ကွန်ပျူတာ တွေ တည်ဆောက်ဖို့ အတွက် စိတ်ကူး အခြေခံတစ်ခု ဖြစ်ပါတယ်။ ၁၉၆၂ ခုနှစ်မှာ Joseph Licklider ဟာ ARPA ရဲ့ Information Process Office ဥက္ကဌ အဖြစ်နဲ့ သုတေသနအဖွဲ့ တစ်ခုကို ဖွဲ့စည်း ပေးခဲ့ပါတယ်။ ဒါပေမယ့် သူရဲ့စိတ်ကူးကို အကောင်အထည် မဖော်ဖြစ်ခင်မှာပဲ အဖွဲ့ကနေ ထွက်သွားခဲ့ပါတယ်။
၁၉၆၇ ခုနှစ် အောက်တိုဘာလမှာ ARPANET လို့အမည်ပေးထားတဲ့ ဒီ ကွန်ပျူတာ နက်ဝပ်အစီအစဉ်ကို စတင် အကောင် အထည် ဖော်ခဲ့ပါတယ်။ ၁၉၆၉ ခုနှစ် ဒီဇင်ဘာလမှာတော့ ပထမဦးဆုံး ကွန်ပျူတာ နက်ဝပ် လေးခုကို စတင် အသုံးပြုနိုင် ခဲ့ပါတယ်။ အဲ့ဒီ ပထမဆုံး နက်ဝပ်တွေမှာသုံးခဲ့တဲ့ packets switching နည်းစနစ်ဟာ ကနေ့ထိ အသုံးပြုနေဆဲ ဖြစ်ပါတယ်။
ARPANET ရဲ့ packets switching နည်းစနစ်ကို ဗြိတိန် တက္ကသိုလ်တွေ စုပေါင်းထားတဲ့ နက်ဝပ်တစ်ခုဖြစ်တဲ့ JANET နဲ့ အမေရိကန် ပြည်ထောင်စုက အများသုံးနက်ဝပ် လုပ်ငန်းကုမ္ပဏီ CompuServe အပါအဝင် အခြား အဖွဲ့အစည်း တွေကလည်း အသုံးပြုလာကြပါတယ်။ အဲ့ဒီနက်ဝပ်တွေဟာ ကနေ့ခေတ်နဲ့ နှိုင်းယှဉ်ရင် Private Network သာသာမျှသာဖြစ်ပါတယ်။
အ ခြေခံနည်းစနစ် တူပေမယ့် ကွဲပြားခြားနားတဲ့ ဖွဲ့စည်းပုံ တွေကြောင့် အဲ့ဒီနက်ဝပ်တွေကို တစ်ခုနဲ့တစ်ခု ချိတ်ဆက်ဖို့ ကြိုးစားတဲ့ အခါမှာတော့ အခက်အခဲတွေ ကြုံလာရပါတော့တယ်။ ဒီပြဿနာကို ဖြေရှင်းဖို့ ARPA ရဲ့ satellite network packets project မှာလုပ်နေတဲ့ Robert Kahn နဲ့ စတန်းဖို့တက္ကသိုလ်က Vinton Cerf တို့ ပူးပေါင်းပြီး မတူညီတဲ့ နက်ဝပ်စနစ်တွေ အတွက် ကြားခံ Mask တစ်ခုအနေနဲ့ ဆောင်ရွက်ပေးနှိုင်တဲ့ Protocol စံ တစ်ခုကို ဖန်းတီး ပေးခဲ့ကြပါတယ်။ ၁၉၇၄ ခုနှစ် ဒီဇင်ဘာလမှာ ဖော်ထုတ် ခဲ့တဲ့ အဲ့ဒီနည်းပညာကို “Internet Transmission Control Program” လို့ ခေါ်ခဲ့ပါတယ်။
အဲ့ဒီ Protocol က နက်ဝပ်ရဲ့လုပ်ဆောင်ချက်တွေကို လျှော့ချပြီး ကွန်ပျူတာကို အဓိက အလုပ်လုပ်ခိုင်းလိုက်တဲ့ နည်းစနစ် တစ်ခုလည်း ဖြစ်ပါတယ်။ ရလဒ်ကတော့ နက်ဝပ်တွေအားလုံးကို ချိတ်ဆက်မယ်ဆိုရင်တောင် ချိတ်ဆက်နှိုင်တဲ့ နည်းပညာတစ်ခု ဖြစ်လာတာပါပဲ။ ARPA က လိုအပ်တဲ့ Software တွေကိုပါ တည်ဆောက်ခဲ့ပြီး ၁၉၇၇ ခုနှစ်မှာတော့ မတူကွဲပြားတဲ့ နက်ဝပ်သုံးခုကို အောင်အောင်မြင်မြင် ချိတ်ဆက်နိုင်ခဲ့ပါတယ်။ ၁၉၈၁ ခုနှစ်မှာ Protocol ကို လက်စသတ်နိုင်ခဲ့ပြီး ၁၉၈၂ ခုနှစ်မှာတော့ အဲ့ဒီ Protocol “TCP/IP” ကို အခြား အဖွဲ့အစည်း တွေကပါ စတင် အသုံးပြုလာကြပါတယ်။ အင်တာနက်ဆိုတာ အဲ့ဒီအချိန်မှာ အစပြုခဲ့ပြီပဲ ဖြစ်ပါတယ်။ ဒါကတော့သမိုင်းကြောင်းအကျဉ်းချုပ်လေးပဲ ဖြစ်ပါတယ်။ ဆက်ပြီးတော့ www (World Wide Web) အကြောင်းလေးဆက်တင်ပြပေးသွားပါဦးမယ်။
